Author: admin

ພະຍາດກົດໄຫຼຢ້ອນມັກຈະເກີດຂື້ນໂດຍທີ່ເຮົາບໍ່ຮູ້ສຶກຕົວ, ມັກຈະເກີດກັບຄົນທີ່ບໍ່ຄ່ອຍໃສ່ໃຈສຸຂະພາບ, ຄົນທີ່ບໍ່ເຂົ້າໃຈລະອຽດກ່ຽວກັບພະຍາດນີ້. ຖ້າວ່າບໍ່ກວດພົບແລະປິ່ນປົວທັນການ, ພະຍາດນີ້ກໍຈະສາມາດເຮັດໃຫ້ເກີດມີບາດແຜທີ່ບໍ່ສາມາດປິນປົວໃຫ້ຫາຍຂາດໄດ້.

ພະຍາດກົດໄຫຼຢ້ອນມັກຈະເກີດຂື້ນໂດຍທີ່ເຮົາບໍ່ຮູ້ສຶກຕົວ, ມັກຈະເກີດກັບຄົນທີ່ບໍ່ຄ່ອຍໃສ່ໃຈສຸຂະພາບ, ຄົນທີ່ບໍ່ເຂົ້າໃຈລະອຽດກ່ຽວກັບພະຍາດນີ້. ຖ້າວ່າບໍ່ກວດພົບແລະປິ່ນປົວທັນການ, ພະຍາດນີ້ກໍຈະສາມາດເຮັດໃຫ້ເກີດມີບາດແຜທີ່ບໍ່ສາມາດປິນປົວໃຫ້ຫາຍຂາດໄດ້.

I. ກົດໄຫຼຢ້ອນແມ່ນພະຍາດຫຍັງ?

ພະຍາດກົດໄຫຼຢ້ອນແມ່ນອາການຂອງການໄຫຼຢ້ອນຂອງນໍ້າອາຊິດກະເພາະອາຫານ, ລົມໃນກະເພາະອາຫານ,ອາຫານ…ໄຫຼຂື້ນຫຼອດອາຫານເຮັດໃຫ້ເກີດການອັກເສບຫຼອດອາຫານ,ຫຼອດສຽງ,ຜົ້ງປາກ…

ຖ້າອາການກົດໄຫຼຢ້ອນເກີດຂື້ນຫຼາຍກວ່າ2ເທື່ອຕໍ່ອາທິດໜຶ່ງ, ນັ້ນສາມາດບົ່ງບອກໄດ້ເລີຍວ່າທ່ານເປັນພະຍາດກົດໄຫຼຢ້ອນ

ບັນດາສາເຫດທີ່ພາໃຫ້ເກີດພະຍາດກົດໄຫຼ ແມ່ນເກີດມາຈາກການເຮັດວຽກຜິດປົກກະຕິຂອງເອັນຍຸ້ມຫຼອດອາຫານລຸ່ມສຸດ, ການກິນອາຫານຫຼາຍເກີນໄປ, ຫຼັງຈາກກິນອາຫານແລ້ວນອນເລີຍ, ຄົນທີ່ຕຸ້ຍຫຼາຍ, ມັກກິນອາຫານຕອນເດິກ, ກິນອາຫານທີ່ພາໃຫ້ເກີດອາການກົດໄຫຼຢ້ອນເຊັ່ນ: ໝາກນາວ, ໝາກກ້ຽງ, ກະທຽມ, ຫົວຫອມໃຫຍ່, ອາ ຫານລົດເຜັດ ແລະ ອື່ນໆ, ດື່ມເຄື່ອງດື່ມທີ່ພາໃຫ້ເກີດອາການກົດໄຫຼຢ້ອນເຊັ່ນ: ເຫຼົ້າ, ເບຍ, ນໍ້າອັດລົມ, ນໍ້າຊາ, ກາເຟ…ນອກຈາກນີ້ຍັງເກີດກັບຄົນທີ່ສູບຢາ, ຄົນກໍາລັງຖືພາ, ຄົນທີ່ມັກກິນຢາຈຳພວກ Aspirin, Ibuprofen, ຢາຍານກ້າມເນື້ອ,ຢາລຸດຄວາມດັນເລືອດ…

ຖ້າຫາກເປັນພະຍາດກົດໄຫຼຢ້ອນແຕ່ບໍ່ໄປກວດ ແລະ ບໍ່ໄດ້ຮັບການປິ່ນປົວທັນເວລາຈະພາໃຫ້ເກີດມີຜົນເສຍຫາຍຕາມມາເຊັ່ນ:ກະເພາະເກີດການອັກເສບແລະມີແຜໃນກະເພາະອາຫານ,ອັກເສບຫຼອດອາຫານແລະອາດຈະພາໃຫ້ເກີດເປັນມະເຮັງຫຼອດອາຫານໄດ້.

II. ເອົາໃຈໃສ່9ອາການຂອງພະຍາດກົດໄຫຼຢ້ອນດັ່ງຕໍ່ໄປນີ້

1. ຮູ້ສຶກແສບມະໂຫກເວລານອນ

ອາຊິດໃນກະເພາະອາຫານຈະໄຫຼຂື້ນຫຼອດອາຫານຫຼາຍຂື້ນໃນເວລານອນ ຫຼື ເວລາທ່ານກົ້ມລົງ, ພາໃຫ້ເກີດອາການແສບມະໂຫກ ອາການນີ້ແມ່ນເປັນເພາະວ່າເວລາເຮົາຢືນແມ່ນອາຫານຈະນອນຢູ່ໃນກະເພາະອາຫານ, ແຕ່ເວລາທ່ານນອນລົງອາການກົດໄຫຼຢ້ອນຈະສາມາດເກີດຂື້ນໄດ້ງ່າຍຂື້ນ.

ອາຊິດໃນກະເພາະອາຫານຈະເຮັດໃຫ້ເກີດອາການຮ້ອນຢູ່ບໍລິເວນໜ້າເອິກຂື້ນມາຫາຫຼອດອາຫານແລະພາໃຫ້ທ່ານມີຄວາມຮູ້ສຶກສົ້ມຢູ່ປາກ, ນີ້ເປັນອາການໜຶ່ງທີ່ສາມາດຊ່ວຍບອກອາການວ່າທ່ານເປັນພະຍາດກົດໄຫຼຢ້ອນ. ເພື່ອລຸດອາການແສບມະໂຫກທ່ານຄວນນອນໝູນໝອນສູງຂື້ນເວລານອນ ແລະ ບໍ່ຄວນກິນອາຫານເປັນຈຳນວນຫຼາຍກ່ອນເຂົ້ານອນ

2. ອາການເຈັບບໍລິເວນໜ້າເອິກ

ອາການນີ້ເກີດຂື້ນຍ້ອນອາຊິດໃນກະເພາະອາຫານ ແລະ ບາງເວລາອາດມີທັງອາຫານໄຫຼຂື້ນຫຼອດອາຫານເຮັດໃຫ້ທ່ານຮູ້ສຶກແຄ້ນ, ຮູ້ສຶກເຈັບບໍລິເວນໜ້າເອິກ, ທ່ານອາດຈະຮູ້ສຶກເຈັບຫຼາຍຫຼືໜ້ອຍ, ໃນໄລຍະເວລາຍາວນານ ຫຼື ອາດຈະເປັນໃນເວລາສັ້ນໆ.

3. ອາການເຈັບຄໍຫຼັງຈາກກິນອາຫານ

ອາການເຈັບຄໍຫຼັງຈາກກິນອາຫານ, ສ່ວນຫຼາຍມັກເກີດຂື້ນເວລາທີ່ທ່ານກິນອາຫານເປັນຈຳນວນຫຼາຍຈະເຮັດໃຫ້ອາຫານລົ້ນຈາກກະເພາະອາຫານຈະພາໃຫ້ອາຊິດກະເພາະອາຫານ ແລະ ອາຫານໃນກະເພາະອາຫານໄຫຼຂື້ນຫຼອດອາຫານ. ສຳລັບທ່ານທີ່ເປັນພະຍາດກົດໄຫຼຢ້ອນ, ດີທີ່ສຸດທ່ານບໍ່ຄວນກິນອາຫານຫຼາຍເກີນໄປ, ບໍ່ກິນອາຫານທີ່ມັນເກີນໄປ,ບໍ່ກິນເຫຼົ້າ, ບໍ່ສູບຢາເພື່ອລຸດຜ່ອນອາການນີ້ໄດ້.

4. ອາການຂົມປາກ

ໃນບາງກໍລະນີ, ພະຍາດກົດໄຫຼຢ້ອນພາໃຫ້ການເຮັດວຽກຜິດປົກກະຕິຂອງເອັນຍຸ້ມລຸ່ມສຸດຂອງກະເພາະພາໃຫ້ນໍ້າບີໄຫຼຈາກລຳໄສ້ອ່ອນຂື້ນກະເພາະ, ແລ້ວໄຫຼຈາກກະເພາະຂື້ນຫຼອດອາຫານ ແລະ ໄຫຼເຂົ້າຜົ້ງປາກພາໃຫ້ເກີດອາການຂົມປາກ, ຖ້າມີອາການແບບນີ້ຄວນໄປພົບກັບທ່ານໝໍເພື່ອກວດຫາພະຍາດ ແລະ ປິ່ນປົວໄດ້ທັນເວລາ

5. ອາການປວດຮາກ

ຖ້າທ່ານຮູ້ສຶກປວດຮາກໂດຍບໍ່ຮູ້ສາເຫດ, ໂດຍສະເພາະຫຼັງຈາກກິນອາຫານແມ່ນທ່ານອາດຈະເປັນພະຍາດກົດໄຫຼຢ້ອນ, ອາການນີ້ແມ່ນຍ້ອນການບີບຂອງກະເພາະອາຫານເພື່ອບີບອາຫານອອກເຮັດໃຫ້ທ່ານມີອາການປວດຮາກແລະ ຮາກ.

6. ອາການສຽງແຫບ,ໄອ,ຫາຍໃຈຝືດ

ອາຊິດໃນກະເພາະອາຫານໄຫຼຂື້ນຫຼອດອາຫານພາໃຫ້ອັກເສບເສັ້ນສຽງ, ໄອຍ້ອນກົດໄຫຼຢ້ອນອາດຈະພາໃຫ້ເປັນອາການຊໍ້າເຮື້ອ ແລະ ຖ້າເປັນໃນເວລາຍາວນານຈະພາໃຫ້ເກີດອາການຫາຍໃຈຝືດໄດ້.

ເພາະສະນັ້ນ ຖ້າທ່ານມີອາການສຽງແຫບ, ເຈັບຄໍ, ພິເສດແມ່ນມີອາການຫຼັງຈາກກິນອາຫານຫຼືມີພ້ອມກັບອາການໄອ,ຈາມ,ນໍ້າມູກໄຫຼແມ່ນທ່ານຕ້ອງໄດ້ເອົາໃຈໃສ່ເພາະວ່ານີ້ແມ່ນບັນດາອາການຂອງພະຍາດກົດໄຫຼຢ້ອນ

7. ອາການຮ້ອນກະເພາະ

ທ່ານທີ່ເປັນພະຍາດກົດໄຫຼຢ້ອນ ຈະມີອາການຮ້ອນພາຍໃນທ້ອງອາການນີ້ແມ່ນເພາະວ່າອາຊິດໃນກະເພາະອາຫານຫຼາຍເກີນໄປເຮັດໃຫ້ເຫຍື່ອຫຸ້ມກະເພາະເກີດການອັກເສບ,ພາໃຫ້ເກີດໄວຣັດກະເພາະແລະພາໃຫ້ເກີດມີອາການຮ້ອນກະເພາະ.

8. ອາການນໍ້າລາຍຫຼາຍຜິດປົກກະຕິ

ນໍ້າລາຍຫຼາຍກວ່າປົກກະຕິກໍ່ແມ່ນໜຶ່ງໃນອາການຂອງພະຍາດກົດໄຫຼຢ້ອນທີ່ຊັດເຈນຫຼາຍ, ເວລາເກີດອາການກົດໄຫຼຢ້ອນຮ່າງກາຍເລີຍສັ່ງໃຫ້ຜະລິດນໍ້າລາຍອອກມາຈຳນວນຫຼາຍເພື່ອເຮັດໃຫ້ອາຊິດກະເພາະອາຫານມີການເຈືອຈາງ.

9. ອາການກືນອາຫານຍາກ

ພະຍາດກົດໄຫຼຢ້ອນຖ້າເກີດຂື້ນຫຼາຍເທື່ອຕິດໆກັນຈະພາໃຫ້ເກີດມີບາດແຜໃນເຫຍື້ອຫຸ້ມຫຼອດອາຫານ, ເຮັດໃຫ້ມີການອັກເສບຊັ້ນກ້າມເນື້ອຫຼອດອາຫານ, ພາໃຫ້ເກີດອາການຕີບຂອງຫຼອດອາຫານ ແລະ ຈະພາໃຫ້ເກີດອາການກືນອາຫານຍາກ.

ຖ້າຫາກມີບັນດາອາການສົງໄສຕາມບັນດາອາການທີ່ໄດ້ກ່າວມາຂ້າງເທິງ ທ່ານຄວນໄປພົບທ່ານໝໍເພື່ອກວດແລະໄດ້ຮັບການປິ່ນປົວໄດ້ທັນເວລາແລະປິ່ນປົວໄດ້ຮັບໝາກຜົນທີ່ສຸດ

https://moh.gov.la/

ຄວາມດັນເລືອດຂື້ນສູງແມ່ນພະຍາດທີ່ມັກພົບແລະເພີ່ມຂື້ນໃນຜູ້ສູງອາຍຸ, ກວມເອົາ 8-12% ຂອງປະຊາກອນ, ມີບາງສາເຫດຄວາມສ່ຽງທີ່ເຮັດໃຫ້ຄວາມດັນເລືອດເພີ່ມຂື້ນນັ້ນກະຄືໂລກເບົາຫວານ, ຢາສຸບ, ລິບິດໃນເລືອດເພີ່ມແລະການຖ່າຍທອດທາງກຳມະພັນ.

ຄວາມດັນເລືອດຂື້ນສູງແມ່ນພະຍາດທີ່ມັກພົບແລະເພີ່ມຂື້ນໃນຜູ້ສູງອາຍຸ, ກວມເອົາ 8-12% ຂອງປະຊາກອນ, ມີບາງສາເຫດຄວາມສ່ຽງທີ່ເຮັດໃຫ້ຄວາມດັນເລືອດເພີ່ມຂື້ນນັ້ນກະຄືໂລກເບົາຫວານ, ຢາສຸບ, ລິບິດໃນເລືອດເພີ່ມແລະການຖ່າຍທອດທາງກຳມະພັນ.

ຄວາມດັນເລືອດແມ່ນສາເຫດທີ່ພາໃຫ້ມີການເສຍຊີວິດ ແລະ ຜົນເສຍຮ້າຍຕໍ່ເສັ້ນປະສາດຄືເຮັດໃຫ້ເປັນອຳມະ ພາດເຄີ່ງຕົວ, ກາຍເປັນເຈົ້າຍີງນິດທາ, ບາງຄັ້ງອາດພາໃຫ້ຫົວໃຈຊຸກໂຊມ, ຫົວໃຈຂາດເລືອດ, ມີຜົນກະທົບຫຼາຍຕໍ່ກັບຄຸນນະພາບໃນການດຳລົງຊີວິດ( ບໍ່ແຂງແຮງ, ບໍ່ສາມາດເຄື່ອນໄຫວໄດ້) ແລະມີຄວາມເປັນໄປໄດ້ທີ່ຈະເສຍຊີວິດສູງ.

ດັ່ງນັ້ນການປີ່ນປົວພະຍາດຄວາມດັນເລືອດສູງແມ່ນຄວນໄດ້ຮັບການເອົາໃຈໃສ່ເພື່ອຫຼີກລ້ຽງອາການຮ້າຍແຮງທີ່ອາດຈະເກີດຂື້ນ.

ດັ່ງນັ້ນຄວາມດັນເລືອດສູງແມ່ນຫຍັງ?

ຄວາມດັນເລືອດສູງແມ່ນພະຍາດຊ້ຳເຮື້ອໃນນັ້ນຄວາມດັນຂອງເລືອດໃນລະບົບຫຼອດເລືອດເພີ່ມຂື້ນສູງ.

ຄວາມດັນເລືອດໄດ້ແບ່ງອອກເປັນສະນິດຫຼັກ ແລະ ຮອງ. ປະມານ 90-95% “ພະຍາດຄວາມດັນແມ່ນຫຼັກ” ເພື່ອໃຊເຂົ້າໃນກໍລະນີທີ່ບໍ່ສາມາດບົ່ງບອກເຖີງສາເຫດຂອງພະຍາດຄວາມດັນເລືອດ. ແລະ ມີພຽງແຕ່ 5-10% ຂອງຈຳນວນຜູກວດແມ່ນຄວາມດັນເລືອດສູງສຳຮອງທີ່ເກີດຈາກພະຍາດ, ພາກສ່ວນອື່ນເຊັ່ນ: ໄຂ່ຫຼັງ, ຫຼອດເລືອດ, ຫົວໃຈ, ລະບົບຂັບຖ່າຍທີ່ພາໃຫ້ໄຂ່ຫຼັງຊຸກໂຊມຊ້ຳເຮື້ອ, ຫຼອດເລືອດໄຂ່ຫຼັງຕີບ, ຄວາມຮຸນແຮງຂອງ  aldosterone ພື້ນຖານ, ມີກ້ອນໃນໄຂ່ຫຼັງ ແລະເນື່ອງມາຈາກການກີນຢາຄຸມກຳເນີດ

ຄວາມດັນເລືອດສູງແມ່ນໜື່ງໃນຄວາມສ່ຽງຂອງໂລກຫຼອດເລືອດ, ເລືອດກ້ານໃນຫົວໃຈ, ແລະ ຫຼອດເລືອດຫົວໃຈຕີບ, ນອກຈາກນັ້ນເປັນຍັງສາເຫດທີ່ພາໃຫ້ໄຂ່ຫຼັງຊຸກໂຊກຊ້ຳເຮື້ອ ແລະອາການຢູ່ຕາ, ຄວາມດັນເລືອດແມ່ນຈະເຮັດໃຫ້ອາຍຸໄຂພື້ນຖານຫຼົດລົງ.

ເມື່ອໃດຈື່ງສາມາດເວົ້າໄດ້ວ່າຄວາມດັນເລືອດສູງ?

ຄົນເຮົາມັກໃຫ້ຄວາມໜາຍ ຄວາມດັນເລືອດສູງ ( ຫຼືຄວາມດັນເລືອດຫຼາຍ) ໃຫ້ຈຳນວນຄວາມດັນເລືອດສູງ ແລະ ຄວາມດັນເລືອດຫຼຸດ(ຄວາມດັນເລືອດຂາດ) ໃຫ້ຈຳນວນຄວາມດັນເລືອດຕ່ຳ

ເມື່ອຈຳນວນຄວາມດັນເພີ່ມຫຼາຍກ່ວາ 140 mmHg ແລະ ຄວາມດັນເດຍສະໂຕລີກຫຼາຍກ່ວາ 90 mmHg ນັ້ນຖືວ່າຄວາມດັນເລືອດສູງ. ສຳລັບຜູ້ສູງອາຍຸ, ຄວາມດັນເລືອດທີ່ຂື້ນສູງສ່ວນຫຼາຍຈະແມ່ນຄວາມດັນ ເລືອດຊິດໂຕລີກໂດຍແມ່ນຈຳນວນຕົວເລກຄວາມດັນສູງກ່ວາ >160mmHg ແຕ່ວ່າຄວາມດັນເດຍສະໂຕລີກບໍ່ສູງກ່ວາ 90 mmHg

  ປະຈຸບັນນີ້ຍ້ອນຄວາມກ້າວໜ້າທາງດ້ານເຕັກນິກການບົ່ງມະຕິ ( ເຄື່ອງແທກຄວາມດັບມີຢູ່ທົ່ວໄປ) ແລະນັບມື້ນັບມີຢາປີ່ນປົວທີ່ມີຜົນຂ້າງຄຽງໜ້ອຍ, ການປີ່ນຕົວໄດ້ແກ້ໄຂຄຸນນະພາບການດຳລົງຊີວິດຂອງຄົນເຈັບ, ຫຼົດຜ່ອຍອັດ ຕາການເສຍຊີວິດແລະອຳມະພາດ (ອຳມະພາດເຄີ່ງໂຕ, ຫົວໃຈວາຍ) ອັນເນື່ງມາຈານຄວາມດັນເລືອດສູງ.

ຜູ້ທີ່ເປັນພະຍາດຄວາມດັນກໍ່ຕ້ອງໄດ້ຮັບການປີ່ນປົວທີ່ສີ້ນເປືອງຍາວນານເພື່ອແລກກັບການມີຊີວິດທີ່ປອດໄພ

ຄວາມດັນເລືອດສູງມີຫຼາຍສາເຫດເປັນຕົ້ນວ່າ: ອາຍຸ, ປະຫວັດຄອບຄົວ, ພະຍາດຕຸ້ຍ, ເຄື່ອນໄຫວໜ້ອຍ, ສູບຢາ, ກີນເຄັມ, ກົດດັນ, ບາງພະຍາດຊ້ຳເຮື້ອ ( ໄຂມັນສູງ, ເບົາຫວານ, ພະຍາດໄຂ່ຫຼັງ, ຢຸດຫາຍໃຈເວລານອນ) ແລະບາງຄັ້ງການຖືພາກໍ່ຊ່ວຍໃຫ້ຄວາມດັນເພີ່ມຂື້ນ

ເຖີງວ່າພະຍາດຄວາມດັນເລືອດຈະມັກພົບຢູ່ໃນຜູ້ສູງອາຍຸ, ແຕ່ວ່າເດັກນ້ອຍກະມີຄວາມສ່ຽງ, ມີເດັກບາງຄົນ, ຄວາມດັນສູງແມ່ນຍ້ອນໄຂ່ຫຼັງແລະຫົວໃຈ. ແຕ່ວ່າເດັກສ່ວນໃຫຍ່, ການກີນຢູ່ເປັນລະບົບແລະບໍ່ມີການອອກກ່ຳລັງ ກາຍກໍ່ມີຄວາມໃຫ້ເປັນພະຍາດຄວາມດັນເລືອດເຊັ່ນກັນ.

ຄວາມດັນເລືອດບໍ່ແມ່ນຕົວເລກຄົງທີ່

ຕົວເລກຄວາມດັນອາດມີການປ່ຽນແປງເມື່ອມີສາເຫດກະທົບທາງດ້ານຈິດໃຈ( ຄວາມກັງວົນ, ຄວາມຢ້ານກົວ, ບໍ່ມ່ວນຊື່ນ…) ການເຄື່ອນໄຫວ(ໄປມາ, ໂດດເຕັ້ນ) ຫຼືສະພາບແວດລ້ອມ(ໜາວຮ້ອນ), ທາດກະຕຸ້ນ(ຢາສູບ, ກາເຟ, ເຫຼົ້າເບຍ) ແລະພະຍາດ (ໄຂ້ຮ້ອນ, ເຈັບປວດ). ໃນບັນດາສາເຫດດັ່ງກ່ວາກະບໍ່ສາມາດເວົ້າໄດວ່າເຈົ້າເປັນພະຍາດຄວາມ ດັນ.

ເພື່ອເຮັດໃຫ້ມີຈຳນວນຕົວເລກຄວາມດັບທີ່ຖືກຕ້ອງທີ່ສຸດ, ເຈົ້າຄວາມແທກຄວາມດັນໃນຊ່ວງທີ່ມີສະພາບຈິດ ໃຈສະຫງົບ, ຄວາມເອົາໃຈໃສຄືບໍ່ຄວາມດື່ມກາເຟ, ສູບຢາ,ໃຊ້ສານກະຕຸ້ນທີ່ມີທົບກະທົບຕໍ່ຄວາມດັນ( ຄືຢາດົມ) ກ່ອນທີ່ຈະແທກຄວາມດັນເດືອດ.

ມີຫຼາຍຄົນທີ່ຮູ້ວ່າຕົນເອງມີຄວາມດັນເລືອດສູງກໍ່ຕໍ່ເມື່ອໄປກວດສຸຂະພາບປະຈຳປີຫຼືເມື່ອເປັນໂລກຫຼອດເລືອດສະໝອງ. ດີທີ່ສຸດ, ຄົນທີ່ຍັງບໍ່ເຄີຍມີຄວາມດັນສູງຄວນແທກຄວາມດັນເປັນປະຈຳ ແລະ ເມື່ອສົງໄສຄວາມຄວາມດັນຂື້ນສູງແມ່ນຕ້ອງໄດ້ແທກຄວາມດັນຫຼາຍເທື່ອ.

ອາການຂອງຄວາມດັນເລືອດສູງ

ຄວາມດັນເລືອດສູງຖ້າວ່າບໍ່ໄດ້ຮັບການບົ່ງມະຕິແລະປີ່ນປົວໃຫ້ທັນເວລາ ຈະມີອາການຕໍ່ລະບົບຕໍ່ໄປນີ້ເຊັ່ນ: ຫົວໃຈ, ສະໝອງ, ຫຼອດເລືອດຟອຍ.

• ອາການບາງຊ່ວງ: ອາດເປັນອັນຕະລາຍຕໍ່ລະບົບ, ລວມມີຫຼອດເລືອດສະໝອງ, ເລືອດຫົວໃຈກ້າມ, ແກຫຼອດເລືອດໃຫຍ່, ປອດ, ໄຂ່ຫຼັງຊຸກໂຊມກະທັນຫັ.

• ອາການຍາວນານ: ເກີດກັບຄົນທີ່ເປັນຄວາມດັນສູງທີ່ບໍ່ໄດ້ຮັບການບົ່ງມະຕິແລະປີ່ນປົວຖືກຕ້ອງ, ອາການປະກອບດ້ວຍ: ອາການວີນວຽນ, ພະຍາດຕາ, ຫົວໃຈໃຫຍ່, ຫົວໃຈຊຸກໂຊມ, ເຈັບໜ້າເອີກ, ຫົວໃຈຂາດເລືອດ, ໄຂ່ຫຼັງຊຸກໂຊມ, ເຈັບເປັນບັ້ນ

ການວິເຄາະທີ່ຄວນເຮັດເມື່່ອຄວາມດັນເລືອດສູງ

ວິເຄາະພື້ນຖານສຳລັບຄົນເຈັບທົ່ວໄປ

• ກວດນ້ຳຍ່ຽວ

• ກວດເລືອດທັງໝົດ

• ກວດເມັດເລືອດ

• ແທກຄື້ນໄຟຟ້າຫົວໃຈ

ວິເຄາະທີ່ຈຳເປັນ

• ລະດັບຄື້ນ creatinine, ໂປຮຕີນໃນນ້ຳຍ່ຽວ, ໂປຮຕີນໃນນ້ຳຍ່ຽວ 24 ຊົ່ວໂມງ, calcium, axit uric, triglyceride ຊ່ວງຫິວ, LDL cholesterol, glycosolated hemoglobin, TSH,

• ເອໂກຫົວໃຈ

ຄົນເຈັບທີ່ອາຍຸຫຼາຍກົ່ວ 40 ຫາ 50 ປີ ທີ່ມີອາການກ່ຽວກັບຫຼອດເລືອຫົວໃຈຄວນແທກຄື້ນໄຟຟ້າຫົວໃຈ ເພື່ອກວດເພື່ອວານຫົວໃຈ

ສາເຫດທີ່ພາໃຫ້ຄວາມດັນຂື້ນສູງ

ສ່ວນຫຼາຍສາເຫດທີ່ພາໃຫ້ເກີດຄວາມດັນເລືອດສູງແມ່ນຈະບໍ່ມຮສາເຫດທີ່ຈະແຈ້ງ, ນອກຈາກທີ່ຈະປີ່ນປົວດ້ວຍຢາລົດຄວາມດັນແມ່ນຕ້ອງໄດ້ໃສ່ໃຈກັບການປີ່ນປົວພາກສ່ວນອື່ນຄື ເບົາຫວານ, ປິລີບຂື້ນ, ຫຫຼຸດກີເຄັນ, ກຳອາ ຫານແລະອອກກ່ຳລັງກາຍ

ນອກຈາກເດັກນ້ອຍແລະຜູ້ສູງອາຍຸຕ້ອງເອົາໃຈໃສ່ບາງສາເຫດທີ່ກ່ຽວກັບການຜ່າຕັດ, ທີ່ສມາດປີ່ນປົວທີ່ດີແລ້ວຮຽບຮ້ອຍຄື, ຫຼອດເລືອດໃຫຍ່ຕີບ, ຫຼອດເລືອດໄຂ່ຫຼັງຕີບ, ກ້ອນໄຂ່ຫຼັງ

ປີ່ນປົນຄວາມດັນສູງ

ການປີ່ນປົວແມ່ນເພື່ອປ້ອງຄວາມອັນຕະລາຍທີ່ຈະເກີດຂື້ນຈາກຄວາມດັນເລືອດສູງ ທ່ານໝໍຈະໃຫ້ຢາທ່ານເມື່ອໄດ້ກວດເບີ່ງຕົວເລກຄວາມດັນຂອງທ່ານ, ຄວາມດັນສູງມີຜົນກະທົບຕໍ່ຫົວໃຈ, ຕາ, ໄຂ່ຫຼັງ, ສະໝອງ ຫຼືພະຍາດທີ່ກ່ຽວຂ້ອງ( ເບົວຫວານ, ໄຂມັນໃນເລືອດ)

ການປີ່ນປົວຄວາມດັນເລືອດຂື້ນສູງແມ່ນຕ້ອງໄດ້ປີ່ນປົວໄປຕະຫຼອດຊີວິດ, ຖ້າວ່າຄວາມດັນກັບມາເປັນປົກ ກະຕິແລ້ວກໍ່ບໍ່ຄວາມຢຸດກີນຢາຫຼຸດຄວາມດັນຄວນທີ່ຈະສືບຕໍ່ປີ່ນປົວເພາະວ່າຄວາມດັບຈະເພີ່ມຂື້ນເມື່ອເຊົາກີນຢາ. ຕ້ອງໄດ້ປືກສາແພດເລື້ອຍໆເມື່ອຄວາມດັບສູງ ຫຼື ຕ່ຳ. ການປ່ຽນແປງການດຳລົງຊີວິດນັ້ນມີຄວາມສຳຄັນຫຼາຍໃນການປີ່ນປົວຄວາມດັນເຊັ່ນ: ຫຼຸດກີນເຄັມ, ຫຼຸດໄຂມັນ, ຫຼຸດນ້ຳຕານ (ຖ້າເປັນພະຍາດເບົາຫວານ), ບໍ່ດື່ມເຫຼົາເບາຍຫຼາຍ,ເຖີງວ່າຈະດື່ມໃນລະດັບທີ່ພໍຄວນກໍ່ມີຜົນກໍ່ສຸຂະພາບຂອງທ່ານ.

ອອກກ່ຳລັງກາຍເປັນປະຈຳເພື່ອຫຼົດນ້ຳໜັກ, ເຄື່ອນໄຫວ 30-45 ນາທີໃນທຸກມື້, ບໍ່ສູບຢາ, ເຝີກຈິດສະສະບາຍ, ພັກຜ່ອນໃຫ້ພຽງພໍ

https://moh.gov.la/

ຫຼາຍຄົນອາດຈະບໍ່ຮູ້ຕົວວ່າຕົກຢູ່ໃນສະພາບຂອງຄວາມຕືງຄຽດ ເພາະລື້ງເຄີຍແລ້ວກັບສະພາບດັ່ງກ່າວ  ຊື່ງໃນຊີວິດປະຈຳວັນກໍ່ຕ້ອງພົບກັບເຫດການດັ່ງກ່າວຢາກວ່າເກືອບທຸກໆມື້ ແລະບາງຄົນກໍ່ບໍ່ຍອມຮັບວ່າຕົນເອງມີຄວາມຄຽດ ອີກຢ່າງໜຶ່ງຜົນກະທົບແມ່ນມາຈາກຫຼາຍພະຍາດ ສາເຫດແທ້ຈີງແມ່ນມາຈາກຄວາມກົດດັນ, ຄວາມຄຽດ ແລະ ຕ້ອງເສຍຄ່າປິ່ນປົວໃນໄລຍະຍາວ ເຊັ່ນ: ໂລກກະເພາະອາຫານ, ພະຍາດຫົວໃຈ, ໂລກຊຶມເສົ້າ ແລະ ອື່ນໆ… ຈົນບາງເທື່ອຕ້ອງຫັນມາໃຊ້ຢາຫຼຸດຄວາມຄຽດເປັນທາງລັດ  ເຖິງແມ່ນວ່າຢາຫຼຸດຄວາມຄຽດຈະຊ່ວຍໃຫ້ຜ່ອນຄາຍແຕ່ກໍ່ເປັນພຽງເວ ລາສັ້ນໆ ເທົ່ານັ້ນ ເຊິ່ງໃນໄລຍະຍາວຈະສົ່ງຜົນໃຫ້ຮ່າງກາຍເຮົາເສຍຫາຍຫຼາຍ ມື້ນີ້ພວກເຮົາໄດ້ນໍາເອົາ 6 ວິທີງ່າຍໆ ທີ່ຈະຫຼຸດຜ່ອນຄວາມຄຽດ ຈະຊ່ວຍໃຫ້ທ່ານຜ່ອນຄາຍ ແລະ ທົດລອງນຳໄປໃຊ້ພ້ອມໆ ກັນ.

ວິທີຫຼຸດຜ່ອນຄວາມຄຽດທີ່ງ່າຍ ແລະ ໄວທີ່ສຸດ ແບບບໍ່ຕ້ອງໃຊ້ຢາຫຼຸດຄວາມຄຽດກໍ່ຄືການປ່ອຍວາງບັນຫາທຸກຢ່າງ ຫຼັງຈາກນັ້ນຫັນໄປສູ່ຄວາມສຸກໃນການເຮັດໃນສິ່ງທີ່ທ່ານຮັກ ບໍ່ປ່ອຍໃຫ້ຕົນເອງຢູ່ກັບບັນຫາດຽວແບບເດີມໆ ຊ້ຳໆ ຈົນກາຍເປັນຄວາມເຄັ່ງຕຶງແບບສະສົມ.

ຖ້າຄຽດຫຼາຍຮ່າງກາຍຈະປ່ອຍຮໍໂມນທີ່ເອີ້ນວ່າ: cortisol ເຊິ່ງເປັນຮໍໂມນທີ່ເຮັດໃຫ້ລະດັບນໍ້າຕານໃນຮ່າງ ກາຍເພີ່ມ ແລະ ເຮັດໃຫ້ລະບົບພູມຕ້ານທານຫຼຸດລົງ ເຮັດໃຫ້ຄົນທີ່ມີຄວາມຄຽດຫຼາຍກາຍເປັນໂລກອ້ວນ ແລະ ພະຍາດ ອື່ນໆ ຕາມມາໄດ້ງ່າຍ ສະນັ້ນເວລາຄຽດຄວນຊອກຫາກິດຈະກຳທີ່ທ່ານມັກເຮັດ ແລະ ຄວນຫຼີກລ້ຽງການໃຊ້ສານເຄມີທີ່ມີຜົນກະທົບຕໍ່ລະບົບປະສາດ ຫຼື ຢາຕ້ານຄວາມຄຽດ ເພາະເປັນອັນຕະລາຍຕໍ່ຮ່າງກາຍໄດ້.

ດັ່ງນັ້ນ ຈື່ງຄວນເລີ່ມຕົ້ນສ້າງພູມຕ້ານທານໃຫ້ກັບຮ່າງກາຍ ໂດຍການພະຍາຍາມສ້າງ Archuleta (Endorphin) ຫຼື ຮໍໂມນແຫ່ງຄວາມສຸກແມ່ນຮໍໂມນ cortisol ດ້ວຍວິທີການຫຼຸດຜ່ອນຄວາມຄຽດ ດ້ວຍການປ່ອຍໃຫ້ຮ່າງກາຍໃຫ້ພັກ ຜ່ອນຫຼາຍໆ ໃນແບບຂອງໂຕມັນເອງ ເຊັ່ນ: ອອກກຳລັງກາຍ, ເບີ່ງໜັງ, ຟັງເພັງ, ແຕ້ມຮູບ ແລະ ອື່ນໆ… ພຽງເທົ່ານີ້ທ່ານກໍ່ສາມາດຫຼຸດລະດັບຄວາມຄຽດ ແລະ ເພີ່ມລະດັບຄວາມສຸກໄດ້ດ້ວຍຕົນເອງແບບງ່າຍໆ ໄດ້ແລ້ວ.

ວິທີທີ່ 2 : ໃຊ້ອາຫານເປັນຕົວຊ່ວຍ.

ດັ່ງທີ່ໄດ້ກ່າວໄປແລ້ວ ເມື່ອຕົກຢູ່ໃນສະຖານະການຄວາມກົດດັນ ຫຼື ຄຽດຫຼາຍ ຈະເຮັດໃຫ້ທ່ານຫິວ ແລະ ກິນອາຫານໃນປະລິມານຫຼາຍກວ່າປົກກະຕິ ຊຶ່ງຖ້າຫາກວ່າທ່ານບໍ່ຮູ້ຄວບຄຸມ ປ່ອຍໃຫ້ກິນຕາມໃຈປາກ ໃນທີ່ສຸດກໍ່ຈະທົນທຸກກັບສະພາບທີ່ບໍ່ດີ ຍ້ອນນ້ໍາຫນັກຂື້ນ ແລະ ບັນຫາສຸຂະພາບຊໍ້າເຮື້ອ.

ສະນັ້ນ, ຄວນເລືອກກິນອາຫານທີ່ມີປະໂຫຍດ ໂດຍສະເພາະແມ່ນສານອາຫານທີ່ມີວິຕາມິນບີ ທີ່ມາຈາກຊີ້ນເຊັ່ນ: ປາ, ສັດປີກ, ເມັດພືດ, ໄຂ່, ໝາກຖົ່ວ, ນົມ ແລະ ຜັກໃບຂຽວ ເພື່ອຊ່ວຍຮັກສາລະດັບພະລັງງານທີ່ສູນເສຍຈາກອາການຄຽດ ເຮັດໃຫ້ສະໝອງເຮັດວຽກໄດ້ດີຂຶ້ນ ແລະ ຮູ້ສຶກເມື່ອຍໜ້ອຍລົງ.

ນອກຈາກນີ້ ການເພີ່ມວິຕາມິນ C ແມກນີຊຽມ ແລະ ໂພແທດຊຽມ ແມ່ນເຮັດໃຫ້ຮ່າງກາຍທີ່ກິນອາຫານ ສາ ມາດຊ່ວຍຫຼຸດຜ່ອນອາການຄຽດ, ຫຼຸດຜ່ອນການໂສກເສົ້າ ແລະ ເຮັດໃຫ້ອາລົມດີຂຶ້ນເຊັ່ນກັນ ເຫັນແລ້ວແມ່ນບໍ່? ພຽງແຕ່ເລືອກອາຫານທີ່ຖືກຕ້ອງ ກໍ່ສາມາດເຮັດໃຫ້ຮ່າງກາຍສົດຊື່ນ ແລະ ຫຼຸດຜ່ອນຄວາມເຄັ່ງຕຶງ ໂດຍບໍ່ຈໍາເປັນຕ້ອງເພີ່ງຢາຕ້ານຄວາມຄຽດ.

ວິທີທີ່ 3 :  ປິ່ນປົວອາການຄຽດດ້ວຍການກອດ.

ໃຜຈະຮູ້ວ່າພຽງແຕ່ການກອດຈາກຄົນຮັກ ຫຼື ການກອດສັດລ້ຽງ ຈະຊ່ວຍໃຫ້ອາການຄຽດເບົາບາງຢ່າງບໍ່ຫນ້າເຊື່ອ! ເນື່ອງຈາກວ່າການສໍາພັດແມ່ນຫນຶ່ງໃນວິທີທີ່ຊ່ວຍໃນການປິ່ນປົວຄວາມຄຽດ ໃຫ້ມີປະສິດທິພາບຫຼາຍກ່ວາຢາຕ້ານຄວາມຄຽດ ຍ້ອນວ່າມັນຊ່ວຍຜະລິດອອກຊີໂທຊິນ (Oxytocin) ເຊິ່ງເປັນສານທີ່ຊ່ວຍຫຼຸດຜ່ອນຄວາມຄຽດ, ສ້າງຄວາມສຸກ ແລະ ເພີ່ມຄວາມອົບອຸ່ນໃຫ້ກັບຜູ້ໃຫ້ ແລະ ຜູ້ຮັບໄດ້ຫຼາຍເປັນພິເສດ ການກອດກໍ່ຄືກັນກັບຢາທາງໃຈ ທີ່ສາມາດເຮັດໃຫ້ຮ່າງກາຍ ແລະ ຈິດໃຈຂອງທ່ານມີສຸຂະພາບດີຂື້ນໄດ້ງ່າຍ ໂດຍວິທີການກອດແຕ່ລະຄົນສ້າງຄວາມຮູ້ສຶກທີ່ດີ ແລະ ແຕກຕ່າງກັນ ເຊັ່ນ:

• ການກອດ ແບບຕາຕໍ່ຕາ Eye to eye : ເປັນການກອດທີ່ເບິ່ງເຂົ້າໄປໃນຕາ ເໝາະສົມທີ່ຈະເປັນທ່າກອດສຳລັບຄູ່ຮັກທີ່ຢາກສ້າງຄວາມຮູ້ສຶກແບບຜ່ອນຄາຍ, ຄວາມໝັ້ນຄົງຕໍ່ກັນ ແລະ ກັນ.

• ການກອດແບບ The Reach Around : ແມ່ນການກອດໝູ່ເພື່ອນທີ່ໃຊ້ແຂນຂ້າງໜື່ງວາງຢູ່ເທິງບ່າຂອງຝ່າຍກົງກັນຂ້າມ ຊື່ງຈະເຮັດໃຫ້ມີຄວາມຮູ້ສຶກແບບເປັນມິດ, ຄວາມໄວ້ວາງໃຈ ແລະ ປອດໄພ ສຳລັບຜູ້ທີ່ໄດ້ສຳພັດ.

• ການກອດແບບ The Protector : ເປັນການກອດແອວຈາກທາງຫລັງ ເຮັດໃຫ້ຄົນທີ່ກອດຮູ້ສຶກໄວ້ໃຈ, ອົບອຸ່ນ ແລະ ໄດ້ຮັບຄວາມສໍາຄັນຈາກຄົນໃກ້ຊິດ.

ວິທີທີ່ 4 : ກິດຈະກໍາທີ່ຊ່ວຍຝຶກຈິດໃຈ.

ສຳລັບໃຜທີ່ມີບັນຫາເລື່ອງຄວາມຄຽດ ຈົນເຖີງວິຕົກກັງວົນ ຊື່ງແມ່ນພະຍາດທີ່ຄົນຢ້ານກົວ, ວິຕົກກັງວົນ ຊື່ງບໍ່ສາມາດທີ່ຈະປ່ອຍວາງ ຫຼື ຢຸດຄິດໃນເລື່ອງເກົ່າໆ ໄດ້ ການປິ່ນປົວເບື້ອງຕົ້ນອາດຈະບໍ່ຊ່ວຍໄດ້ ຈົນບາງເທື່ອຕ້ອງຫັນມາໃຊ້ຢາຕ້ານຄວາມຄຽດ ເພື່ອເປັນທາງອອກໃຫ້ຫຼຸດຄວາມວິຕົກກັງວົນ ເນື່ອງຈາກວ່າຢາຕ້ານຄວາມຄຽດອອກລິດຢາໄວ ແລະ ທັນໃຈ.

ແຕ່ພວກເຮົາຂໍແນະນໍາໃຫ້ຄົນທີ່ມີອາການຄຽດ, ຄວາມກັງວົນພະຍາຍາມຝຶກສະຕິ ແລະ ຈິດໃຈ ເພື່ອປັບພຶດຕິກຳ ແລະ ຫຼຸດຜ່ອນຄວາມວິຕົກກັງວົນຈາກອາການດັ່ງກ່າວ ເຊັ່ນ: ການອອກກຳລັງກາຍ, ຝຶກການຄວບຄຸມຫາຍໃຈ, ຝຶກ Yoga ຫຼື ການຝຶກສະມາທິ ແລະ ອື່ນໆ ວິທີເຫຼົ່ານີ້ຈະຊ່ວຍໃຫ້ຈິດໃຈສະຫງົບ, ມີສະຕິ ແລະ ຮັບມືກັບຄວາມວິຕົກກັງວົນໃຫ້ຈິດໃຈດີຂຶ້ນ.

ແຕ່ກ່ອນເຂົ້າສູ່ຂະບວນການຝຶກຈິດໃຈດ້ວຍເຕັກນິກຕ່າງໆ ຢ່າງຄ່ອງແຄ້ວ ແລະ ບໍ່ຮູ້ສຶກວ່າຖືກບັງຄັບ ກ່ອນອື່ນໝົດຕ້ອງປະຕິບັດແນວຄິດໃນທາງບວກໃຫ້ໄດ້ເສຍກ່ອນ ເພື່ອປັບລະບົບຄວາມຄິດທີ່ວົນວຽນໃນເລື່ອງເກົ່າໆ ໃຫ້ອອກມາສູ່ໂລກກວ້າງ ແລະ ເຫັນທາງອອກທີ່ຈະແຈ້ງຊັດເຈນສຳລັບຕົນເອງ.

ວິທີທີ່ 5 : ອອກກໍາລັງກາຍເບົາໆ.

ການນັ່ງຢູ່ໂຕະເຮັດວຽກໝົດມື້ ສຸມໃສ່ເອກະສານທີ່ບໍ່ສາມາດສໍາເລັດໄດ້ຕາມເວລາໃນມື້ນັ້ນ ນອກຈາກຈະເຮັດໃຫ້ສະສົມຄວາມຄຽດ ແລະ ຄວາມເມື່ອຍລ້າຕະຫຼອດມື້ແລ້ວ ມັນຍັງເຮັດໃຫ້ຮ່າງກາຍພົບກັບພະຍາດທີ່ເອີ້ນວ່າ ‘Office Syndrome’ ໄດ້ເຊັ່ນກັນ.

ການອອກກຳລັງກາຍເບົາໆ ດ້ວຍທ່າບໍລິຫານຕ່າງທ ຈະຊ່ວຍຫຼຸດຜ່ອນຄວາມເຈັບປວດຈາກພະຍາດຫ້ອງການໄດ້ໃນລະດັບໃດຫນຶ່ງ (ໃນກໍລະນີທີ່ມີອາການບໍ່ຫຼາຍ) ແລະ ຍັງຖືວ່າເປັນການພັກຜ່ອນຈາກຄວາມກົດດັນທີ່ຕ້ອງພົບຕະຫຼອດມື້ ແລະ ຍັງຊ່ວຍໃຫ້ມີສະມາທິໃນການເຮັດວຽກໄດ້ອີກທາງຫນຶ່ງອີກດ້ວຍ.

ວິທີທີ່ 6 : ປ່ຽນບັນຍາກາດໃຫ້ເໝາະສົມກັບການຜ່ອນຄາຍ.

ນອກຈາກວິທີການຫຼຸດຜ່ອນຄວາມຄຽດຈາກຮ່າງກາຍ ແລະ ຈິດໃຈ ອີກວິທີໜຶ່ງທີ່ຈະຫຼຸດຜ່ອນຄົນທີ່ຢູ່ໃນສະ ພາວະຄວາມຄຽດຕະຫຼອດມື້ ລວມໄປເຖີງຢູ່ບ່ອນເຮັດວຽກ ແມ່ນການຫຼຸດຜ່ອນປ່ຽນບັນຍາກາດອ້ອມຕົວໃຫ້ມີສະມາ ທິ ແລະ ສາມາດຜ່ອນຄາຍຄວາມຄຽດໄດ້ແທ້.

ບັນຍາກາດຂອງສະພາບແວດລ້ອມບໍ່ວ່າຈະຢູ່ໃນເຮືອນ ຫຼື ບ່ອນເຮັດວຽກ ຄວນຖືກອອກແບບໃຫ້ເປັນແບບທຳມະຊາດ ບໍ່ວ່າຈະເປັນແສງສະຫວ່າງ, ສຽງ ຫຼື ກິ່ນທັງໝົດເຫຼົ່ານີ້ ກໍ່ສາມາດຊ່ວຍການກະຕຸ້ນໃຫ້ເກີດການຜ່ອນຄາຍໄດ້ ແລະໃນເວລາທີ່ທ່ານອາໄສຢູ່ໃນບັນຍາກາດດີໆ ບໍ່ຈໍາເປັນຕ້ອງເພີ່ງຢາຕ້ານຄວາມຄຽດໃຫ້ເສຍສຸຂະພາບ.

ສະຫຼຸບ: ວິທີການຫຼຸດຜ່ອນຄວາມຄຽດ

ມີຫຼາຍວິທີທີ່ຈະຫຼຸດຜ່ອນຄວາມຄຽດທີ່ທ່ານສາມາດເລືອກໄດ້ ແຕ່ສິ່ງໜື່ງທີ່ສໍາຄັນທີ່ສຸດ ທີ່ຈະປິ່ນປົວຈາກພະຍາດຊໍາເຮື້ອນີ້ແມ່ນການຍອມຮັບ ແລະ ຢຸດເຊົາການວາງຄວາມຄຽດໃສ່ຕົວທ່ານເອງ ແລະ ບໍ່ຄວນເລືອກໃຊ້ຢາຫຼຸດ ຜ່ອນຄວາມຄຽດເປັນທາງລັດໃນການແກ້ໄຂບັນຫາ ເນື່ອງຈາກຢາທີ່ໃຊ້ໃນການຫຼຸດຜ່ອນຄວາມຄຽດເປັນເວລາດົນ ຈະມີຄວາມສ່ຽງຕໍ່ການເກີດການດື້ຢາ ເຊິ່ງຈະສົ່ງຜົນກະທົບທີ່ບໍ່ດີຕໍ່ຮ່າງກາຍຂອງພວກເຮົາໂດຍກົງ.

https://www.medialaos.com/