ຄະນະກໍາມະການ ແຂວງສາລະວັນ ສໍາເລັດກອງປະຊຸມ ສະຫຼຸບ 9 ເດືອນ 2024

ໃນຕອນເຊົ້າຂອງ ວັນທີ 28 ຕຸລາ 2024 ກອງປະຊຸມເຜີຍແຜ່ນິຕິກຳຂອງຄະນະກຳມະການຄຸ້ມຄອງອິນເຕີເນັດ (ຄຄອຂ) ແລະ ຄະນະກຳມະການຫັນເປັນດິຈິຕອນ (ຄຫດຂ) ປະຈຳແຂວງສາລະວັນຂຶ້ນຢ່າງເປັນທາງການ, ທີ່ຫ້ອງປະຊຸມພະແນກເຕັກໂນໂລຊີ ແລະ ການສື່ສານ ແຂວງສາລະວັນ ໂດຍພາຍໄຕ້ການເປັນປະທານຂອງທ່ານ ພູທົງ ຄໍາມະນີ ວົງ ຮອງເຈົ້າແຂວງສາລະວັນ, ປະທານ ຄຄອຂ ແລະ ຄຫດຂ ສາລະວັນ, ມີທ່ານຮອງປະທານ-ຜູ້ປະຈຳການ, ຄະນະກຳມະການ, ຮອງເຈົ້າເມືອງ ແລະ ກອງເລຂາ ເຂົ້າຮ່ວມ ດ້ວຍເຊິ່ງໜ້າ ແລະ ອອນລາຍ ມີທັງໝົດ 27 ຄົນ, ກອງປະຊຸມ ໄດ້ຄົ້ນຄວ້າເຜີຍແຜ່ເອກະສານ ລະອຽດດັ່ງນີ້:

1. ທ່ານ ຄໍາໝອນ ແກ້ວປັດຈິດ ຫົວໜ້າກອງເລາຂາ ຄຫດຂ ແລະ ຄຄອຂ ຂັ້ນແຂວງໄດ້ຜ່ານຂໍ້ຕົກລົງ ເລກທີ 626/ຈຂ.ສວ, ລົງວັນທີ 8.7.2024 ວ່າດ້ວຍການແຕ່ງຕັ້ງຄະນະກຳມະການຄຸ້ມ ຄອງອິນເຕີເນັດ ແລະ ຄະນະກຳມະການຫັນເປັນດິຈິຕອນ ປະຈຳແຂວງສາລະວັນ,
2. ຈາກນັ້ນ, ທ່ານ ສຸກສະຫວັນ ໂພທິລາດ ກໍໄດ້ຜ່ານບົດສະຫຼຸບວຽກງານ 9 ເດືອນຕົ້ນປີ 2024 ແລະ ທິດທາງແຜນ 3 ເດືອນທ້າຍປີ 2024 ກ່ຽວກັບວຽກງານຂອງ ຄຫດຂ ແລະ ຄຄອຂ ແຂວງສາລະວັນ;
3. ທ່ານ ພອນສະຫວັນ ໄຊສົງຄາມ ກໍໄດ້ເຜີຍແຜ່ວິໄສທັດ, ຍຸດທະສາດ ແລະ ແຜນພັດທະນາ ຫັນເປັນດິຈິຕອນ ໄລຍະ 5 ປີ (2025-2030) ຂອງແຂວງສາລະວັນ,
4. ທ່ານ ນ. ຄອນສະຫວັນ ເທບພະວົງ ໄດ້ຂື້ນຜ່ານ ຮ່າງຂໍ້ຕົກລົງ ມອບຄວາມຮັບຜິດຊອບພາຍໃນຄະນະກຳມະການ ຄຸ້ມຄອງອິນເຕີເນັດ ແລະ ຄະນະ ກຳມະການຫັນເປັນດີຈິຕອນ ປະຈຳແຂວງສາລະວັນ.

ຫຼັງຈາກນັ້ນ, ຄະນະກຳມະການທີ່ຢູ່ແຕ່ລະພາກສ່ວນ ຜັດປ່ຽນກັນປະກອບຄໍາເຫັນ ຕໍ່ກັບການຄຸ້ມ ຄອງອິນເຕີເນັດ ແລະ ການຫັນເປັນຕິຈິຕອນ ຢູ່ແຂວງສາລະວັນ ດ້ວຍຄວາມຮັບຜິດຊອບ.

ໃນຕອນທ້າຍ ປະທານກອງປະຊຸມ ມີໄດ້ຄໍາເຫັນຊີ້ນໍາ ໃຫ້ແຕ່ລະພາກສ່ວນ ເອົາໃຈໃສ່ ບາງບັນຫາໃນຕໍ່ໜ້າ:

1) ເຫັນດີຮັບຮອງເອົາບົດສະຫຼຸບ 9 ເດືອນຕົ້ນປີ 2024 ແລະ ແຜນວຽກຈຸດສຸມ 3 ເດືອນທ້າຍປີ 2024ເພື່ອເປັນບ່ອນອີງສືບຕໍ່ຈັດຕັ້ງປະຕິບັດ;

2) ໃຫ້ແຕ່ລະພະແນກການແຕ່ງຕັ້ງຜູ້ຮັບຜິດຊອບຂຶ້ນຮອງພະແນກແລ້ວ ສົ່ງລາຍຊື່ປະກອບເຂົ້າໃນຄະນະ ຂັ້ນແຂວງ ຕາມຂໍ້ຕົກລົງສະບັບເລກທີ ເລກທີ 626/ຈຂ.ສວ, ລົງວັນທີ 8.7.2024, ພ້ອມນັ້ນ ກໍ່ໃຫ້ແຕ່ງຕັ້ງວິຊາການຂອງຕົນ ເພື່ອຊ່ວຍວຽກໃນການສັງລວມ ລາຍງານ ແລະ ປະສານງານກັບກອງເລຂາ ຄຄອຂ ແລະ ຄຫດຂ;

3) ຂັ້ນເມືອງ ຕ້ອງໄດ້ແຕ່ງຕັ້ງຄະນະກໍາມະການຄຸ້ມຄອງອິນເຕີເນັດ ແລະ ຄະນະກໍາມະການຫັນເປັນດິຈິຕອນ ຂື້ນຄ້າຍຄືກັບຂັ້ນແຂວງ ພ້ອມທັງມອບຄວາມຮັບຜິດຊອບໃຫ້ແຕ່ລະພາກສ່ວນ ຕາມຄວາມອາດສາມາດຈັດ ຕັ້ງປະຕິບັດຢູ່ຂັ້ນເມືອງຂອງແຕ່ລະພາກສ່ວນ;

4) ໃຫ້ແຕ່ລະພະແນກການ ແລະ ເມືອງ ກວດກາຄືນ ຂໍ້ຕົກລົງ ວ່າດ້ວຍ ມອບຄວາມຮັບຜິດຊອບພາຍໃນ ຄະນະກຳມະການ ບັນດາໜ້າວຽກທີ່ເຮັດໄດ້ ແລະ ບໍ່ໄດ້ ພາຍໃນຄວາມຮັບຜິດຊອບຂອງຕົນ ແລ້ວລາຍງານມາພະ ແນກ ດສ ເພື່ອບັບປຸງຕື່ມ ບໍ່ກາຍວັນທີ 15 ພະຈິກ 2024;

5) ແຜນພັດທະນາ ຫັນເປັນດີຈິຕອນ ໃນໄລຍະ 5 ປີ (2025-20230) ມອບໃຫ້ແຕ່ລະພາກສ່ວນ ຈັດຕັ້ງ ຜັນຂະຫຍາຍເປັນອັນລະອຽດ ເພື່ອສອດຫ້ອຍເຂົ້າໃນໜ້າວຽກຂອງຕົນ ແລະ ປະສານພົວພັນວຽກກັບພະແນກເຕັກ ໂນໂລຊີ ແລະ ການສື່ສານ ໃຫ້ເປັນປົກກະຕິ.

6) ໃຫ້ພະແນກ ຕສ ຄົ້ນຄວ້າສ້າງແຜນຈັດສໍາມະນາ ແລະ ຝຶກອົບຮົມ ການຫັນເປັນດິຈິຕອນ ຢູ່ແຂວງສາລະ ວັນ ໃນທ້າຍປີ 2024 ໃຫ້ເຊີນສູນກາງລົງມາສົມທົບຊ່ວຍ ເພື່ອໃຫ້ພະແນກການຂັ້ນແຂວງ ແລະ ຄະນະກຳມະການ ໄດ້ຮັບຮູ້, ສ້າງຄວາມເຂົ້າໃຈ ແລະ ໃຫ້ຄວາມຮ່ວມມືໃນການຈັດຕັ້ງປະຕິບັດເປັນເອກະພາບທົ່ວແຂວງ.

ຮອດເວລາ 12:00 ໂມງ ຂອງວັນດຽວກັນ, ກອງປະຊຸມກໍ່ອັດລົງດ້ວຍຜົນສໍາເລັດຕາມລະດັບຄາດໝາຍ