ອອກອະນຸຍາດໃໝ່
- ຊີວະປະຫວັດ
- ຮູບສີ 3×4 = 2 ໃບ (ພາຍໃນ 3 ເດືອນ)
- ໃບຄຳຮ້ອງ
- ໃບຢັ້ງຢືນທີ່ຢູ່
- ໃບມອບສິດ (ຜູ້ຕາງໜ້າ)
- ໃບຢັ້ງຢືນທີ່ຕັ້ງສຳນັກງານ
- ໃບທະບຽນວິສາຫະກິດ
- ໃບຢັ້ງຢືນ ຫຼື ໃບປະກາດ (ຖ້າບໍ່ມີ ໃຫ້ປະກອບໃບປະກາດ ຫຼື ໃບຢັ້ງຢືນຂອງວິຊາການໃສ່)
- ໃບຢັ້ງຢືນສະຖານະການເງິນຈາກທະນາຄານ ພາຍໃນ ສປປ ລາວ
- ບົດວິພາກເສດຖະກິດ ແລະ ເຕັກນິກ
- ສຳມະໂນຄົວ / ບັດປະຈຳຕົວ / ໜັງສືຜ່ານແດນ
- ສັນຍາອື່ນໆທີ່ກ່ຽວຂ້ອງກັບການດຳເນີນທຸລະກິດ (ຖ້າມີ)
- ເອກະສານອື່ນໆ ທີ່ຈຳເປັນ
ຕໍ່ໃບອະນຸຍາດ (ຕ້ອງດຳເນີນການ ກ່ອນໃບອະນຸຍາດໝົດກຳນົດຢ່າງໜ້ອຍ 30 ວັນ)
- ໃບຄຳຮ້ອງ
- ໃບອະນຸຍາດສະບັບເກົ່າ (ຕົ້ນສະບັບ)
- ໃບມອບສິດ (ຜູ້ຕາງໜ້າ)
- ໃບທະບຽນວິສາຫະກິດ (ຖ້າມີການປ່ຽນແປງ)
- ໃບຢັ້ງຢືນການເສຍອາກອນ
- ບົດສະຫຼຸບການເຄື່ອນໄຫວດຳເນີນທຸລະກິດຜ່ານມາ
- ບົດສະຫຼຸບດ້ານການເງິນ
- ເອກະສານອື່ນໆ ທີ່ຈຳເປັນ
ປ່ຽນແປງ, ໂຈະ ຫຼື ຍົກເລີກ ໃບອະນຸຍາດ
- ໃບຄຳຮ້ອງ
- ໃບສະເໜີ ເພື່ອຊີ້ແຈງເຫດຜົນ ໃນການຂໍປ່ຽນແປງ, ໂຈະ ຫຼື ຍົກເລີກໃບອະນຸຍາດ
- ສຳເນົາໃບອະນຸຍາດດຳເນີນທຸລະກິດ
- ເອກະສານອື່ນໆ ທີ່ຈຳເປັນ
ຂັ້ນຕອນ ແລະ ເວລາ
ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ມີຈຸດປະສົງດຳເນີນທຸລະກິດດ້ານເຕັກໂນໂລຊີການສື່ສານ ຂໍ້ມູນ ຂ່າວສານ ຕ້ອງໄດ້ປະຕິບັດດັ່ງນີ້:
- ມີທະບຽນວິສາຫະກິດ ແລະ ສະໂນດນຳສົ່ງ ຈາກຂະແໜງການອຸດສາຫະກຳ ແລະ ການຄ້າ.
- ຍື່ນຄຳຮ້ອງ ແລະ ປະກອບເອກະສານ ຕາມແບບຟອມ ຂອງຂະແໜງການເຕັກໂນໂລຊີ ແລະ ການສື່ສານ.
- ຂະແໜງການເຕັກໂນໂລຊີ ແລະ ການສື່ສານ ກວດກາຄວາມຖືກຕ້ອງ ແລະ ຄົບຖ້ວນຂອງຂໍ້ມູນ ໃນການປະກອບເອກະສານຂໍໃບອະນຸຍາດ ແລ້ວແຈ້ງຕອບຜູ້ປະກອບການ ພາຍໃນ 15 ວັນ ທາງລັດຖະການ.
- ພາຍຫຼັງການປະກອບເອກະສານມີຄວາມຖືກຕ້ອງ, ຄົບຖ້ວນ ສົມບູນແລ້ວ ຂະແໜງການເຕັກໂນໂລຊີ ແລະ ການສື່ສານ ຈະໄດ້ຄົ້ນຄວ້າພິຈາລະນາ ອອກໃບອະນຸຍາດໃຫ້.
ຄ່າທຳນຽມ ແລະ ຄ່າບໍລິການ
ລາຍລະອຽດມີຢູ່ໃນ ລັດຖະບັນຍັດຂອງປະທານປະເທດ ວ່າດ້ວຍຄ່າທຳນຽມ ແລະ ຄ່າບໍລິການ, ສະບັບເລກທີ 002/ປປທ, ລົງວັນທີ 17ມີຖຸນາ 2021.